Gaelic
Tha Eilidh NicCoinnich na neach-ealain agus tha an obair aice air a freumhachadh gu domhainn ann an àrainneachd an Eilein Sgitheanaich, eilean a dùthchais. Agus i a’ tarraing brosnachadh an dà chuid bhon fhearann agus bhon dealbh-thìre chultarail – cànan, riochdan dùthchasach, agus aithris-bheòil – tha saothair Eilidh ann am meadhanan measgaichte a’ rannsachadh chuspairean mu àite agus mu dhìleab. Agus i an sàs cuideachd ann an ceòl dùthchasach, ann am foghlam Gàidhlig, agus ann an ealain an là an-diugh, bidh an obair aice gu tric a’ nochdadh a’ cheangail làidir a bhios i a’ faireachdainn ri cultar na Gàidhlig, le mòran mhìrean air an stèidheachadh air seanchas ionadail, gnìomhachas, agus saoghal an nàdair timcheall oirre.
“Tha mi air a bhith an sàs ann an ceòl dùthchasach bho bha mi beag, agus san là a th’ ann an-diugh eadar na diofar dhreuchdan a th’ agam ann an ealainean, coimhearsnachd agus foghlam na Gàidhlig, tha an cànan is an cultar aig cridhe mo bheatha làitheil. Tha a bhith a’ togail an teaghlaich againn le Gàidhlig a’ faireachdainn mar cheangal càraidh thar nan ginealach, agus anns an t-saoghal a bhios ag atharrachadh gu grad anns a bheil sinn beò tha e nas cudromaiche fhathast faireachdainn làidir mun luach a th’ air an ìomhaigh is an dìleab chultarail aca a nochdadh riutha.” – Eilidh NicCoinnich
Image: Eilidh MacKenzie
